bottistamm

Es grosses Vouk vo Riese si mer gsi. Hei i dä Bärge obe ghuuset. D Lüt im Tau si gäge üs ganz chlii. Uf d'Bärge ufe z'cho, das hett se gruuset. Mir hei gfeschtet, tanzt u donneret. Si gmüetlech gsi u heis o la chrache. Gspiut u gjagt u mängisch o kummeret, u denn wieder uverschämt lut glachet. So hei mir gläbt mängs hundert Jahr. Si ghocket i de Bärner Alpe. Hei aber o, das isch sunneklar, haut o üse Nachwuchs ganz vergässe. I, dr Botti ha no überläbt. U - haus dr Tüfu - o mini Schwoscht.

So si mir de zäme beidi nitsi gwanderet. Mir isch aus wär das grad geschter gsi. Im Grauhouz, da isch es de einisch gscheh; e gschtürzti Eiche gheit mi z'Bode... I ha grad tuusig Stärne gseh u mi nümme chönne träie. Mini Schwoscht hett dä Umfau gschouet u hett dänkt die letschti Stung sig scho verbi. Hett gschwing es grosses Loch uufkrauet, leit mi dri, deckt mi zue u steut no zwe grossi Steine häre. Eine am Chopf u eine a de Füess.

A aune Tag, zu jeder Stung, pfuuse ig itz a däm lärmige Outopfad. Doch we z'Ittige Fasnacht isch stige ig, dr BOTTI us mim Grab u übernimme für 2 Täg d'Herrschaft. Begleitet vo mim Stamm gniesse ig mini 2 schönschte Täg im Jahr.

Willst Du ein Teil der Ittiger Fasnacht und des Bottistamms werden ? Viele Fasnachtsfiguren sind im Tiefschlaf und warten von Dir zum Leben erweckt zu werden. Nähere Infos gibts unter bs@fgib.ch